84.
Fâ‘ilâtün fâ‘ilâtün fâ‘ilâtün fâ‘ilün
Remel - . - - / - . - - / - . - - / - . –
01. Sandum evvel ‘âlem-i ‘ışkuŋ safâsı var imiş
Bilmedüm âhir ki biŋ dürlü belâsı var imiş
02. Kandadur fî ’l-cümle vėrse câm-ı la‘lînden haber
Bâde dėrler sâkiyâ bir kan olası var imiş
Tîr-i gamzeŋ yine bir dil-hastaŋ ėtmişdür helâk
Karaya girmiş kaşuŋ beŋzer ki yâsı var imiş
04. Küfr-i zülfüŋ ėy sanem îmân idügin bilmemek
Gâfil idüm dîn-i ‘ışk içre hatâsı var imiş
05. Ėy VUSÛLÎ bilmedüm bir yâra vėrdüm göŋlümi
Bencileyin nėce yüz biŋ mübtelâsı var imiş
Hakan TAŞ, VUSÛLÎ [ö. 1592], DÎVÂN [İnceleme-Metin-Çeviri-Açıklamalar-Dizin], T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3308 KÜLTÜR ESERLERİ Ankara 2010
