54
(Feilâtün Feilâtün Feilâtün Feilün)
1 Saltanat sedd-i reh-i gâile-i kesretdir
Pây-ı taht-ı urefâ dâ’ire-i vahdetdir
2 Ser-firâzâna olur meyl-i nüzûlı radın
Gösteriş cilve-geh-i sâ’ika-i âfetdir
3 Bedr-i kâmilde olur cünbiş-i âsâr-ı husûf
Âfet-i tîre-eser lâzıma-i şöhretdir
4 Gevher-i kâmı gönül kulzüm-i eşkinde bulur
Dürr-i maksûda mahal kar-ı yem-i himmetdir
5 Kimsenin medhali yok vâdî-i şöhretde beni
Böyle ber-geşte eden debdebe-i Haşmet’dir
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
