Fâ‘ilâtün Fâ‘ilâtün Fâ‘ilâtün Fâ‘ilün
1 Salmış ol meh hâli üzre turre-i zîbâsını
Arturursam n’ola sevdâ üstüne sevdâsını 1b
2 Olmayınca kuvvet-i bâzû-yı himmet sahtdur 2a
Çekmişüz yârun kemân-ı nâz u istignâsını
3 Sad-gül-i bî-hâr-ı nâzın çekmişüz her hârdan 3a
Görmedin gülzâr-ı dehrün bir gül-i ra‘nâsını 3b
4 Bir müferrihdür leb-i cânân ki Eflâtûn-ı dehr 4a
Eylemiş ârâyiş-i dürc-i ‘adem eczâsını
5 Hatt-ı ruhsârında var bir tâze-mazmûn hayf kim
Lafzını anlar bulunmaz kim bilür ma‘nâsını
6 Zulmet-i gam dilden olmaz eşk ile Âgâh mahv
Cûşiş-i deryâ gidermez ‘anberîn sevdâsını
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
