[fâ’ilâtün fâ’ilâtün fâ’ilâtün fâ’ilün]
1 Sâkiyâ alsaŋ ele bezm içre bir rengîn kadeh
‘Aks-i ruhsârından olur gün gibi la’lîn kadeh
2 Gülşen içre lâleye karşu benefşe içmege
Çevresine akçe virür eylemiş zerrîn kadeh
3 Bezm-i vasl-ı yâre irmez kelle-i câm itmeyen
Böyle vaz’ itmiş komış gitmiş evel âyîn kadeh
4 Öpdi diyü dest-i sâkî[y]i sürâhî âl ile
Ter düşüp meclisde oldı dil-bere rengîn kadeh
5 ‘Ayş u ‘işret ‘âleminde Rahmiyâ İskenderüz
Devr idüp destümde oldı câm-ı ‘âlem-bîn kadeh
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
