Fâilâtün fâilâtün fâilâtün fâilün
1 Sâkî sunsun durmasın câm-ı mey-i rahşânı hiç
Almayam tâ hâtıra hergiz gam-ı devrânı hiç
2 Ol kadar mest-i mey olmak isterim kim çeşmime
Gelmeye bir zerre çarhın kubbe-i eyvânı hiç
3 Düşeli sevdâ-yı genc-i vaslına bir âfetin
Görmedim ma'mûr bir dem bu dil-i vîrânı hiç
4 Ben esîr-i aşkına aslâ terahhum eylemez
Ol bütün göğsünde yokdur var ise îmânı hiç
5 Kadr-i vaslı bilmese herkes nola Meşhûriyâ
Vuslatın kadrin ne bilsin çekmeyen hicrânı hiç
Yaşar AYDEMİR-Halil ÇELTİK, MEŞHURÎ DİVANI (Tenkitli Metin), T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3196 KÜLTÜR ESERLERİ, Ankara 2009
