Sâkî elünde bülbüleyi bülbül eylesen
İçsen şarâbı ruhlarunı gül gül eylesen
Gül devri ayş mevsimidür mutrıbâ bu gün
Bülbül-sıfat çemende biraz gulgul eylesen
Söyletsen ey surâhî sen erbâb-ı meclisi
Mutrıb ferâgat eyleyicek kulkul eylesen
Sevdâ-yı hâl-i yâr ile ey dil aceb değül
Meyl-i karanfül ârzu-yı fülfül eylesen
Destünde Zül-fekâr-ı Alî nevk-i hâmedür
Bâkî semend-i tab'un olur Düldül eylesen
(Küçük 1995: 257/255)
