Müstef`ilün fa`ûlün müstef`ilün fa`ûlün
 
 1 Sahn-ı zemîni sünbül benzetdi âsmâne
 Bir nakş-ı dil-keş olup uydı zemîn zamâne
 
 2 Şâh-ı gül üzre gonce döndi dil-i hezâra
 Her tâze verd-i ra`nâ mahbûb-ı dil-sitâne
 
 3 Pür-nûr idi ziyâ-yı câm ile gice meclis
 Komamış idi hâcet şem`e mey-i şebâne
 
 4 Mey-hâne gûşesinde bî-mâye rind-i müflis
 Câm-ı şarâb elinde işret ider Cemâne
 
 5 Silk-i belâgat üzre dürr ü güher dizersen
 Yahyâ nazîr olur mı nazm-ı cihân-sitâne
 
 6 `Osmân Hân-ı Gâzî sultân ebu'l-megâzî
 Kim dâd-ı hakdur ana evzâ`-ı Rüstemâne
 
 7 Bir dem mi var ki olmaz mânend-i bîd lerzân
 Bir kerre bâd-ı hışmı tokunmagile bâna
 
8 Bildi ki bâd-ı kahrı bîhinden anı sarsar
 Baş egdi bî-tereddüd şâh-ı cihân-sitâne
 
 9 Esdi nesîm-i `adlün `âlem cinâna döndi
 Bezm-i cihânda şâhum ayş eyle câvidâne
 
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147