Fâ‘ilâtün Fâ‘ilâtün Fâ‘ilâtün Fâ‘ilün(1)
1. Sahn-ı sahrâlar baña zindân olupdur yârsuz
Her çemen hâr-ı belâdur ol yüzi gülzârsuz
2. Zâhidâ ‘arz eyleme kim tûbî-i cennet benüm
Çöpçe gelmez ‘aynuma ol kadd-i hôş-reftârsuz
3. Dâg-ı gamdur cânuma bâg-ı cinânuñ gülleri
Âb-ı Kevser ‘aynuma gelmez leb-i dil-dârsuz
4. Hâtır-ı gam-gînüme şimdi benüm her sebze-zâr
Vâdî-i mihnet-durur ol kebk-i hôş-reftârsuz
5. Cennet itmiş tutalum Emrî cihân mülkin bahâr
Hey ma‘âzallah gerekmez ol yüzi gülzârsuz
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
