602
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Sâyebânum var iken bu kubbe-i mînâ gibi
Şâhlık itsem ‘aceb mi Rüstem ü Dârâ gibi
İtme da‘vâ-yı cefâ dil istemez senden vefâ
Bî-vefâsın bildüm a çok sevdügüm dünyâ gibi
‘Ârız-ı gül-reng-i yâri gördi gülşende meger
Rûy-ı lâle oldı hacletden kızıl vâlâ gibi
Kâ'inâtı ser-be-ser hep gark-ı hûn-âb eyledüñ
Kuru sevdâlara yaşum akıdup deryâ gibi
Gülşen-i kûyuñda eyler dâ'imâ âh hezâr
Ravzi-i şeydâ-dil olmış bülbül-i gûyâ gibi
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
