Fâ‘ilâtün Fâ‘ilâtün Fâ‘ilâtün Fâ‘ilün(1)
1. Şâh-ı ‘ışkam dil münakkaş bir otagumdur benüm
Bend-i gam anda girihler şemse dâgumdur benüm
2. Rîsmân-ı şa‘şa‘a boynumda zerrîn benddür
Şeh-levendem âfitâb altun kabagumdur benüm
3. Mest-i ‘ışkam ey tarîkat ehli yolumdan kaçuñ
Elde âhum şu‘lesi yalıñ yaragumdur benüm
4. Ey gözi Tâtâr idersem derd-i hecrüñle sefer
Menzil-i kûy-ı ‘adem evvel konagumdur benüm
5. Dâg-ı mihnet sînede yansun ebed söyünmesün
Âteş-i hicrân ile yakdum çerâgumdur benim
6 . Peyk-i ‘ışkam şâh-ı gam sevdâya salmışdur beni
Sînede na‘l-i elif elde nacagumdur benüm
7 . Sanma kim dâg-ı siyeh sayd eylerem gam zâgını
Cism-i bârik Emriyâ kıldan tuzagumdur benüm
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
