8
(Fâilâtün Fâilâtün Fâilâtün Fâilün)
1 Sâgar-ı mey pûte-i kibrît-i ahmerdir bana
Mâye-i iksîr-i şâdî âteş-i terdir bana
2 Görmem istîlâsını Ye’cûc-i ye’s-i minnetin
Sedd-i râh-ı ilticâ sedd-i Sikender’dir bana
3 Etmede levh-i dili sad-pâre-i reşk-i hasûd
Nevk-i kilk-i marifet destinde nişterdir bana
4 Anla var keyfiyyet-i bezm-i mükâfâtı gönül
Çekdiren renc-i humârı nûş-ı sâgardır bana
5 Haşmetâ bu neş’e-i ser-şâr-ı takrîri veren
Bezm-i nûş-â-nûş-ı feyz-i tab-ı kemterdir bana
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
