Tāríĥ-i sāl-i nev
Mef„ūlü fā„ilātü mefā„ílü fā„ilün
Ŝad bāreke‟llāh oldı şeref-ríz sāl-i nev
Šoġdı hilāli hem-çü ģusām-ı Selím Ĥān
Şekl-i hilāl dest-i temennā-yı çarĥdur
Fermān-peźír oldı be-kām-ı Selím Ĥān
Bí-şübhedür ki sübģa-i kerrūbiyān olur
„Iķdü‟l-le‟āl-i ģüsn-i niţām-ı Selím Ĥān
Étdi zemíne bāriş-i gevher seģāb-ı cūd
Ķıldı eśer du„ā-yı enām-ı Selím Ĥān
İnŝāf odur ki vefķ-ı ģayāt oldı devlete
Tevfíķ-ı Kird-gār ile nām-ı Selím Ĥān
Vérdi mizāc-ı dehre Felāšūn-veş imtizāc
Bí-„unf-ı tām-ı re‟y-i tamām-ı Selím Ĥān
Başdan başa cihānı éder sāyesinde derc
Bir kerre açılursa ĥıyām-ı Selím Ĥān
„Azm-i sipihr éderse sipehdār-ı šāli„i
Behrām olur şitāb-ile rām-ı Selím Ĥān
Kesr-i cenāģ vāķı„ olur nesr-i šā‟ire
Pervāz-ı evc éderse sihām-ı Selím Ĥān
Mānend-i seyf ķāšı„-ı „ırķ-ı cidāl olur
Gūş-ı kemāna érse peyām-ı Selím Ĥān
Bir gün olur ki başına teng eyler „ālemi
A„dā-yı díne „ašf-ı zimām-ı Selím Ĥān
Eyler bir iki dizgin ile esb-i nerm-rev
Ol tevsen-i ģarūnı licām-ı Selím Ĥān
Teslím éderdi gelse bu devre o dāveri
Ecdād-ı kām-gār-ı „iţām-ı Selím Ĥān
Kār-ı ehemmi étmede taķdím-i her umūr
İlhāmdur bu diķķat-i tām-ı Selím Ĥān
Tertíb-ile šurursa selāšín-i māżıye
Çarĥ-ı berín olurdı maķām-ı Selím Ĥān
Zírā bu devr-i ŝa„bda seyl-i ģavādiśi
Étmezdi sed meger ki ķıyām-ı Selím Ĥān
Allāh ķalb-i pākine ķuvvet vére müdām
Dünyāyı dā‟im éde devām-ı Selím Ĥān
Ġālib tefe‟‟ülümde ţuhūr étdi ġaybdan
Tāríĥdür ķabūl-i merām-ı Selím Ĥān
Erdoğan TAŞTAN, ŞEYH GALİB VE YAYIMLANMAMIŞ ŞİİRLERİ,Turkish StudiesInternational Periodical For the Languages, Literature and History of Turkish or Turkic Volume 7/4, Fall, 2012
