Fâ‘ilâtün Fâ‘ilâtün Fâ‘ilâtün Fâ‘ilün
1 Sabr-kîşüz kayd-ı âb u dânemüzden geçmişüz
Murg-ı dest-âmûz-ı ‘aşkuz lânemüzden geçmişüz
2 Çokda itme bî-sebeb âzürde-i seng-i cefâ
Biz meger cânâ dil-i dîvânemüzden geçmişüz
3 Harf-i telh-i nâsuhân u zehr-i çeşm-i yârdan
Cân-ı şîrinden degül cânânemüzden geçmişüz
4 Yanmaga ahşâma sabr itmez o şem‘-i dil-fürûz
Pek hatâ itdük didük pervânemüzden geçmişüz
5 Pîrter oldukça Âgâh oldı gûdeklük füzûn
Zan iderdük vâdî-i tıflânemüzden geçmişüz
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502 2012,
