Sabâ varur-ısan Rûm’a selâm it benden ashâba (579/1)
Veger hâlüm sorarlarsa haber virgil ol ahbâba
Ki sizden ayru düşüben giriftâr olalı Uc’a (579/2)
Taâmum derd-i dil oldı şarâbum dürd-i hûn-âbe
Ne-durur nice biline benüm bu gûherüm kadrı (579/3)
Burada kim nazar kılmaz kimesne dürr-i şeb-tâba
Nite kim sıhhate sayru katı muhtâc u müştâkam (579/4)
Dil ü cândan bu ben miskîn-hevâ ü sâzı-kâr-âba
Ne yaşlu gözde uyhum var ne başlu cânda ârâmum (579/5)
Felek cevri-y-le gideli yanumdan yâr-ı hem-hwâba
Gözüm ansuz dilemez kim cihâna baha bir lahza (579/6)
Anuñ kaşın gören dutmaz yüzüni dahı mihrâba
Niçe kim Ahmedî aglar iñildeyü kılur zârı (579/7)
Gören teşbîh ider anuñ gözi yaşını dûlâba
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
