Gazel
mefâ’ilün fe’ilâtün mefâ’ilün fe’ilün
Sabâ hatâ ile ol zülf-i yâre degmeyesin
Hazer ki hâtır-ı uşşâk-ı zâra degmeyesin
Derûn-ı sînede dil murgu şâh-ı aşkındır
Şikâr-ı dâmgeh-i şehryâra degmeyesin
Şehâ figân ile buldunsa kûy-ı uşşâkı
Nizâm-ı dil-keşi var ol diyâra degmeyesin
Hevâ-yı vasl ile bahr-i ümîd me'mendir
Sen ey sefîne-i dil ol kenâra degmeyesin
Safâsı kesret-i cevherledir çü mir’âtın
Lebîb dildeki jeng-i gubâra değmeyesin
Kurtoğlu, Orhan (2004). Lebîb Dîvânı (İnceleme-Tenkitli Metin- Sözlük). Doktora Tezi. Ankara: Hacettepe Üniversitesi. 556.
Lebib HüseyinHüseyin Abdulgafûr Kara Vaiz
