-.-- / -.-- / -.-- / -.-
Şâ‘irüñ yâri civân-ı köhne-sâl olmak da güç
Mâ’il-i seyr ü safâ tâze-nihâl olmak da güç
Rûy-ı hûba olmamak nâzır ne mümkin dünyede
Ârzû-yı dil ile gark-ı vebâl olmak da güç
Câme-i kat katla manend-i piyâz olmaz revâ
Merd-i ber-dûş girde-i pejmürde-şâl olmak da güç
Ol civân-ı ser-keşi terk eylemek de mümteni‘
Dâ’imâ cevrin çeküp mânend-i nâl olmak da güç
Kâni‘-i nân-pâre-i huşk ol Sa‘îdâ gam yime
Gasb-ı mâl-i halka sâhib-i nevâl olmak da güç
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
