89-
Fe`ilâtün Fe`ilâtün Fe`ilâtün Fe`ilün
1 Rûy-ı sıhhat görür ol haste geh yanaguñ öper
Tâze cân bulur o bîmâr geh tudaguñ öper
2 Gûşuña gizlü haber dir gibi olur mahzâ
Gûşvâruñ eğilüp görince kulaguñ öper
3 Pây-mâl-ı ser-i gîsû-yı perîşânuñdur
Dil-i âşüfte ki dâmen gibi ayaguñ öper
4 Mâlik-i mühr-i Süleymân olur ol `âşık kim
103
Fırsat el virse aña bir gice tırnaguñ öper
5 Ey sabâ yâr Ziyâ’îyi sorarsa diyesin
Hâk-i râh-ı ser-i kûyuñdur o başmagun öper
Dr. Müberra GÜRGENDERELİ, MOSTARLI HASAN ZİYÂ’Î DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3195 KÜLTÜR ESERLERİ
