Mefâ`îlün mefâ`îlün mefâ`îlün mefâ`îlün
 
1 Ruhun göster unutdur gülsitânun verd-i ra`nâsın
 Salın hayretde ko bâg-ı cihânun serv-i bâlâsın
2 Sana benzer güzel halk itmemişdür Hazret-i Barî
 Aceb mümtâz dil-bersin aceb hûb u dil-ârâsın
3 Virüp varın o la`l-i terle ol sîb-i zenahdâna
 Cihânun hîçe almasun gönül almasın elmasın
4 Gören âyîne-i âlem-nümâ-yı câm-ı sahbâyı
 Idermiş âlem-i âb içre dünyânun temâşâsın
5 Ne mümkindür fenâdan dem ura Yahyâ ile Mecnûn
 Görün ol mübtelâ-yı mihnetün başında gavgâsın
 
 
Hasan KAVRUK , ŞEYHÜLİSLAM YAHYÂ DÎVÂNI,  T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147