Mef`ûlü fâ`ilâtü mefâ`îlü fâ`ilün
1 Ruhsârun üzre hatt-ı siyeh itmesün hücûm
Maglûb olur mı bir `araba pâdişâh-ı Rûm
2 Kûyun itine atlas u zer-baft şâldur
Şâhum sipihr-i a`zam ile çarh-ı pür-nücûm
3 Fürkât-i şebde derd ü gamum yazmag istesem
Subh irişince şu`le-i âhum dutardı mûm
4 Dilden muhâldür gide nakş-ı hayâl-i dost
Şol dem ki dünyeden gide hep mahv ola rüsûm
5 Yahyâ koma elünden ayâgı ki olmaya
Câm-ı şarâb-ı nâb gibi dâfi`u'l-gumûm
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
