[299]
Fâ`ilâtün Fâ`ilâtün Fâ`ilâtün Fâ`ilün
1 Ruhlaruñ âyînede ol mâh-ı tâbân görmesün
`Aks-i hüsninden dilinde dâğ-ı hicrân görmesün
2 Gamze-i çeşm-i siyeh-mestinden itsün ihtirâz
`Âşık-ı dil-hasteler şemşîr-i `uryân görmesün
3 Girye-sâz-ı hasret eyler merdüm-i nezzâresin
Bâyezîd olursa da ol la`li handân görmesün
4 Tesliyet-bahş-ı dil olsun bûse-i gül-hand ile
Ol perî her katre-i eşkümde `ummân görmesün
5 Zâde-i kilk-i güher-bahşâñı Nâmî-veş sakın
Tab`-ı keç-fehmân u çeşm-i `ayb-cûyân görmesün
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
