Fâ‘ilâtün Fâ‘ilâtün Fâ‘ilâtün Fâ‘ilün(1)
1. Ruhlarında gör nigâruñ zülf-i müşg-efşânların
Bâg-ı hüsnin tolanur gül toldurur dâmânların
2. Şol nihâl-i huşkdur cismüm ki aña zeyn içün
Bir kemân-ebrû dizüpdür gonca-veş peykânların
3. Agzuña öykündügiyçün gonca anuñ jâleler
Muşt ile urup bogazına tıkar dendânların
4. Bâga od düşdi ruhuñ şevkıyla âhumdan seher
Kıpkızıl yandurdı gülzâruñ gül-i handânların
5. Öldürüp Emrîyi biñ dürlü belâ vü derd ile
Üstine aglatma anuñ dîde-i giryânların
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
