378
Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Sen güneş ruhsâr içün yaksam kaçan her gâh dâg
Olur ey meh-rû sipihr-i sînem üzre mâh dâg
Âh kim düşdüm beyâbân-ı belâ-yı fürkate
Kûy-ı dildâr-ı dil-ârâma iletmez râh dâg
Tîg-i hicrânuñ elifler çekdi cânâ sîneye
Şerhalarla ‘âleme keşf itdi râzum âh dâg
Tîg-i gamla şerha şerha eylemezdüm sînemi
Eylese derd-i derûnumdan seni âgâh dâg
Ravziyâ Leclâc ile şatrenc-ı ‘ışk oynadı dil
Nat‘-ı sînemde anı mât itdi didi şâh dâg
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
