..-- / ..-- / ..-- / ..-
Pîç-der-pîç ruhuñ üzre komış ser zülfüñ
Pâs-bân oldı gülistânuña ejder zülfüñ
Yâhud ol sâ’il –i Hindû-yı siyeh-rûdur kim
Şehr-i gülzâr-ı ruhuñ üzre ider cer zülfüñ
Zînet-efrûz cemâlüm diyü itse da‘vâ
Olamaz kâkül-i hoş-bûyuña hem-ser zülfüñ
Ne ‘aceb âteş-i gülzâr cemâlüñde yanur
Niçesi hâl-i ruhuñ oldı semender zülfüñ
33b.
Oldı tûbâ-yı kadüñ üzre cemâlüñ izhâr
Âşiyânı sâz olan zâg-ı siyehdür zülfüñ
Nice mümkin göre hurşîd cemâlüñi Sa‘îd
Ebr-i bârân-sıfat sâye-fügendür zülfüñ
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
