Mefâ`îlün mefâ`îlün mefâ`îlün mefâ`îlün
1 Pey-â-pey sun bana lutf eyle sâkî câm-ı gerdânı
Yeter agırladun rıtl-ı girânla gayrı yârânı
2 Ne `izzet buldı ise şemme-i lutfunla bulmuşdur
Bu gülzârun eger verdi eger nesrîn ü reyhânı
3 Biri âşüfte-i kûyun biri ser-geşte-i rûyun
Zemînün verd-i handânı sipihrün mâh-ı tâbânı
4 Niçün uyup hevâ-yı gayra ser-keşlik ider bilsem
Letâfet bâgınun her kad çeken serv-i hırâmanı
5 Meger sûz-ı dilümden ana Yahyâ bir şerer düşdi
Sabâh olınca yandı meclisün şem`-i şebistânı
Hasan KAVRUK , ŞEYHÜLİSLAM YAHYÂ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3147
