180
Fâ‘ilâtün Fâ‘ilâtün Fâ‘ilâtün Fâ‘ilün
1. Hûb idi gerçi sitâreyle cihânuñ sohbeti
Konuşaldan itleri bozdı hümânuñ sohbeti
2. Yıldızun düşürdi ol öñüme sitâreñ ey göñül
Sînemi mahv itdi hurşîd-i cihânuñ sohbeti
3. Goncanuñ agzı suyı aksa n’ola şebnem gibi
Nevbahâr-ı gül-rûhı añdurmaz ânuñ sohbeti
4. Perdeden yüz gösterüp çarhın yitürdi Zührenüñ
Bezmümüz germ eyledi ol mihribânuñ sohbeti
5. Sun‘iyâ âheng-i sâz itse dil ârâm eylemez
Zühreye raks itdürür çeng-i hümânuñ sohbeti
YRD. DOÇ. DR. HALİL İBRAHİM YAKAR, GELİBOLULU SUN‘Î DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3197 KÜLTÜR ESERLERİ, Gaziantep
