Fâ’ilâtün/ Fâ’ilâtün/ Fâ’ilâtün/ Fâ’ilün
 Remel: - . - -/ - . - -/ - . - -/ - . –
 
1 Pek güzel bakışlıdur pek hûş-rübâdur gözlerün
 Dîde-i âfetle varsa âşinâdur gözlerün
2 Vâdi-i hicrâna vâsıl itdi hep râhum benüm
 Bir bakışda semt-i vasla reh-nümâdur gözlerün
3 Tâk-ı mihrâb-ı dü ebrû içre san kandîldür
 Hem mey içmez hem yine ser-hoş edâdur gözlerün
4 Dem-be-dem hûn-ı dilümden neş’e-yâb olmakdadur
 Sevdügüm mest-i müdâm olsa sezâdur gözlerün
5 Yâver-i dil-hûna gamzenveş ider bahs-i hirâs
 Gerçi cânâ cân-fezâdur gam-zidâdur gözlerün
 
 
Dr. Kaplan ÜSTÜNER, ENDERUNLU HASAN YÂVER DİVAN [İnceleme-Metin-Çeviri-Dizin], https://ekitap.kulturturizm.gov.tr/Eklenti/10608,enderunlu-hasan-yaver-divanipdf.pdf?0