Fe‘ilâtün Fe‘ilâtün Fe‘ilâtün Fe‘ilün
 
1 Olmaya âdem esîr-i elem olmakdan ise
Şâd-ı merg olsa giriftâr-ı gam olmakdan ise
 
 2 Ko disünler yine âzâdeligin ‘âlemi var
 Beste-i turre-i pür-pîç ü ham olmakdan ise
 
3 Buhl ile ‘âleme darbü’l-mesel olmak yegdür
 Mahz-ı da‘vâ ile sâhib-kerem olmakdan ise
 
 4 Az olur sâgar-ı leb-rîzde dirler feryâd
 Dil-i pür-hûnda ziyâd oldı kem olmakdan ise
                                                           
5 N’ola Âgâh helâk itse de âzâd olsam
 Ol perî mâ’il-i cevr ü sitem olmakdan ise
 
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,