Fâ‘ilâtün Fâ‘ilâtün Fâ‘ilâtün Fâ‘ilün(1)
1. Oldı peydâ dûd-ı sînemden duhânî lâleler
Nitekim hûn-ı cigerden erguvânî lâleler
2. Yüzlerine bakmaduñ ‘ışk ehli çok ‘arz itdiler
Şol sararmış yüzlerinden za‘ferânî lâleler
3. Deste-i jengârdur peyveste dûd-ı âh aña
Vâdî-i ‘ışkuñda eflâk âsumânî lâleler
4. Bildürüp âlâm-ı râh-ı ‘ışkı dil virseydi hak
Artururlardı cereslerden figânı lâleler
5. Rûy-ı rengînüñ görüp Emrî gözinden dökdi kan
Yüzlerine sürdiler alup o kanı lâleler
Prof. Dr. Mehmet A. Yekta SARAÇ, EMRÎ DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3144 KÜLTÜR ESERLERİ 427
