Fâ‘ilâtün Fâ‘ilâtün Fâ‘ilâtün Fâ‘ilün
 
1 Oldı dil ma‘mûr vîrân olmayınca olmadı
Behre-yâb-ı vasla hicrân olmayınca olmadı
 
2 Gerçi pâ-mâl itmeden âhır peşîmân oldı lîk
Ben dahı hâk ile yeksân olmayınca olmadı
 
3 Âh kim bir gül nasîb-i gûşe-i destârımuz
Mâye-i sad-dâg-ı harmân olmayınca olmadı 3b
 
4 Göz göre ol şem‘-i bezm-ârâ bana germ âşinâ
Bir zamân manzûr-ı kûrân olmayınca olmadı
 
5 Her ne efzûn oldı esbâb-ı ma‘îşetden dirîg
Nakd-ı âb-ı rûda noksân olmayınca olmadı
                                                           
6 Râm olur mı dirdüm Âgâh ol büt-i vahşî nigâh 6a
Oldı ammâ âfet-i cân olmayınca olmadı
 
Dr. ŞERİFE AKPINAR’ ÂGÂH (Semerkândî-i Âmidî) DÎVÂN, KÜLTÜR VE TURİZM BAKANLIĞI KÜLTÜR ESERLERİ 502  2012,