36.
--. / .--- / --. / .---
Ol yâr-ı safâ-bahşa bir bûseye niyyet var
Ya himmet ile vâsıl ya her geh ‘azimet var
Mesken-ger-i gurbet itdi dili pür-zillet
‘İzzet vatana merbût gurbetde felâket var
Ma‘cûnı leb-i yârüñ gayr ile devâ bulmaz
Tîr-i gam-ı firkatle kalbümde cerâhat var
İtme dilüñi tîre bâziçe-i gerdûndan
Her kârı te’hîrde bilseñ nice hikmet var
Şol câm-ı safâ-bahşı bir kez bize sun sâki
İhsânuña ‘illetdür kalbümde kasâvet var
Da‘vâ-yı tafsil ile vasf itme bize dûzah
Dûzah dil-i ‘âşıkdur vâ‘izde hamâkat var
Tanzîr-i Sa‘îdâdur bu şi‘r-i Gazâyîye
Firkat-i gamuñ sanma takrîrine tâkat var
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
