Harfü’l-fâ
91.
-.-- / -.-- / -.-- / -.-
Ol mihek-âverde-i âgûşı birle ittisâf
Eyleyen da‘vâ gerek âyine gibi sîne-sâf
Ol tezervi sayd-ı çengâl-i dil-i meyyâl iden
Ya ola şâh-bâz-ı deşt-i ‘aşk ya ‘ankâ-yı Kâf
Gamze-i mestâne-i nîm-nigâhın seyr iden
Dir şarâb-horde-i kâr-ı tîg-i tîz-i bî-gulâf
Fehm ider ol sîne-i sîmîni manzûr eyleyen
Nükte-i âyine-i ‘aks-nümâyı bî-hilâf
Hâl-i ‘anber-bûyı ol ruhsâr-ı gül-gûnuñda ya
Ravza-i gülzâr-ı cennet âhu-yı müşgîne nâf
Cezm ideydüm oldugın makbûl eylerdüm hemân
Lâle-i hûnîn-i kalbüm bâg-ı dilde ittisâf
Cebhe-i sâf-ı hilâl-i ebruvân-ı zerd-fâm
Mescid-i zerrîn der- tâk maksad-ı cây-ı muzâf
Yine katl-i ‘âma niyyet eylemiş gûyâ hemîn
Gamze-i hûn-rîz ile müjgân olupdur sâf sâf
Saadet Karaköse, : Sa’id Giray Dîvânı, : © T.C. Kültür ve Turizm Bakanlığı Kütüphaneler ve Yayımlar Genel Müdürlüğü,2017 ISBN: 978-975-17-3636
