Ol kalender-meşrebe âzâdelik erzânîdür
Kim cihânun tâc u tahtı terkinün vîrânıdur
2. Kevser-i rûhânîlerden lezzet alan âdemî
Çeşme-i hayvânı nitsün çeşme-i hayvânîdür
3. Ey niçe bin kan ider cellâdı çerhün her gice
Her sehergeh al iden dâmânın anun kanıdur
4. Kârgâh-ı hazret-i a’lâya kim baka gönül
Kim hakîkat ma’rifet bâzârı şehristânıdur
5. Aç gözün terk id ‘amâyı dîde-i Ya’kûbvâr
Her ne görsen ey ‘azîz ol Yûsuf-ı Ken’ânîdür
6. Âferîn ol âfitâbun hüsnine kim zerresi
Dil-ber-i Çîn ü Hıtâ mahbûb-ı Türkistânîdür
7. Ehl-i ma’nâ olmayup ‘âlemde sûret-bîn isen
Niçe Mûsî sandugın Fir’avnî vü Hâmânîdür
8. Ol safâ-efzâ çemende ‘andelîb ol Hamdî kim
Rûh-ı kerrûbî gül ü reyhânınun hayrânıdur
Ali Emre Özyıldırım, Hamdullah Hamdi Divanı, https://ekitap.kulturturizm.gov.tr/dosya/1-213627/h/giris.pdf
Hamdullah Hamdi Hayatı Edebi Kişiliği
