[Fâ’ilâtün Fâ’ilâtün Fâ’ilâtün Fâ’ilât]
− · − − / − · − − / − · − − / − · −
 
1 Ol habîbüñ kıblemüz yüzi kaşı mihrâbumuz
 Secde-gâh olur bize bilsün anı ahbâbumuz
 Rûşen olur gözümüz pür-şevk olur hem göñlümüz
 Her ne gün görseñ o yüzi mihr-i ‘âlem-tâbımuz
 Biz ki ehl-i dillerüz dilber yolında ölürüz
 Dilbere cânlar virür ‘aşk-ıla şeyh ü şâbumuz
 ‘Âşıka şeftâlû lutf itse kaçan agyârınuñ
 Kurıdur kanını ol dem ol lebi ‘unnâbımuz
5 Bezm-i devrân içre Nazmî hoş safâ-yıla müdâm
 Gül gibi devr eylesün câm-ı şarâb-ı nâbımuz
 
Yrd. Doç. Dr. Sibel ÜST, EDİRNELİ NAZMÎ DÎVÂNI (İNCELEME-METİN) T. C. KÜLTÜR VE TURİZM BAKANLIĞI, 2012 www.kulturturizm.gov.tr