FāǾilātün FāǾilātün FāǾilātün FāǾilün
1 Ol gözi Tātār ġam-vār ise yaġmalar benüm
Gerçi yaġmalar olur ammā ki dünyālar benüm
2 Kākülüñ şevķi leb-i laǾlüñ ħayāliyle bu şeb
Ħvāb-ı şįrįnüm perįşān itdi ħulyālar benüm
3 Dost Ǿaybum setr ider düşmen beni āgāh ider
Yārdan merġūbdur Ǿindimde aǾdālar benüm
4 Nār-ı rücĥan ħāke istikbār-ı iblįs iledür
Ħūbdur yanumda aǾlālardan ednālar benüm
5 Cāy-ı emniyyet görüp ħalvetüñe fānūs veş
Ħāneme her şeb gelür ol şemǾ-i tenhālar benüm
6 Ol śaçı leylį lebi şįrįn içün Ferhād u Ķays
Görse rüsvālıķlarum ŧomārım imzālar benüm
7 Saħt cānum kįne-i eflākden pāküm mi var
İħtilāŧumdan hirās eyler bu mįnālar benüm
8 Virdi iķbāl-i cünūn teklįfsüz devlet baña
Sāye-i bāl-i hümā başumda sevdālar benüm
9 Ben çerāġ-ı rūşenüm erbāb-ı devlet gördük
Ĥāmiyā ķadrüm ne bilsünler bu aǾmālar benüm
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
