Fâ‘ilâtün/ Fâ‘ilâtün/ Fâ‘ilâtün/ Fâ‘ilün
Açılurdı gonce bir dem söyler idi gül güle
Gitdi güller söyler oldı şimdi bülbül bülbüle
Gül gibi hoş-bûy ile toldı meşâm-ı cân u dil
Eyledi gülşende zeyn ol gonce sünbül sünbüle
Cümle ehl-i hüsni pâ-mâl itdi mânend-i giyâh
Ol ‘Alî-heybet süvâr oldı meger kim Düldül’e
Leblerüñ vasfında mutrib şi‘re âgâz eylese
Bezmi devr eyler kadeh başlar surâhî kulkule
Burnına tuzlı sular koyılsun anı göreyin
Ravziyâ beñzetse her kim hâl-i yâri fülfüle
Dr. Yaşar AYDEMİR, RAVZÎ DİVANI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3192 KÜLTÜR ESERLERİ ,Ankara 2009
