mef‘ûlü mefâ‘îlü mefâ‘îlü fa‘ûlün
1 Ol âfetüñ ‘uşşâka vefâsında nazar var
Ammâ yine bir gûne cefâsında nazar var
2 Zâhid okur ol nev-resi hamyâzeler ile
Ser tâbe-kadem hüsn ü bahâsında nazar var
3 Sâkî görilür neş’ede te’sîri habâbuñ
Câmuñ bu mey-i huş-rübâsında nazar var
4 Kûteh-nazaruñ seyri medâ-yı basarından
Gâfil ki temâşâ-yı verâsında nazar var
190
5 Her bir güli bir renge kodı nâmiye ammâ
Nergisde olan neşv ü nemâsında nazar var
6 Olma taraf-ı devlet-i dünyâya çeşim-dûz
Nâ’il olanuñ zevk u safâsında nazar var
7 Her dîde-i ney şu‘le-i âvâz ile hem-dem
Kâmî hele dil-sûz nevâsında nazar var
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
