29
mefâ‘îlün mefâ‘îlün mefâ‘îlün mefâ‘îlün
186
1 Ol âfet ser-tırâşından eger itmezse istimdâd
İder ser-hadd-i mülk-i hüsnini ceyş-i Habeş ber-bâd
2 Rakîb itmez visâlüñ kendüye bir vech ile takrîb
Bulur ancak tegâfül-gûne-i gamzeñden isti‘dâd
3 Hırâm-ı sûy-ı bâğ itdükçe gâhi ol sanavber-kad
Çemen şükrâne-i teşrîfine servi ider âzâd
4 Sen ögren sâkiyâ âdâb-ı bezmi yohsa ‘âlemde
Bu şûriş tab‘-ı şûh-ı duht-ı rezde oldı mâder-zâd
5 Sabâ zülfüñ perîşân itmedükçe görmedük hâlüñ
Bu dâmuñ dânesin altında pinhân eylemiş sayyâd
6 Sözüñ evsâf-ı duht-ı rezde sen sihr-i helâl itseñ
Yine sâkî görenler eyler anı hürmet ile yâd
7 Çekince Kâmiyâ kühl-i gubâr-ı kûy-ı dildârı
İrişdi gûş-ı câna rûzgârumdan mübârek-bâd
Yrd. Doç. Dr. Gülgün Erişen YAZICI,, Edirneli Kâmî ve Divanının Tenkitli Metni, (Basılmamış doktora tezi), A. Ü. Sosyal Bilimler Enstitüsü , Ankara, 1998,- https://ekitap.kulturturizm.gov.tr/Eklenti/10619,kamipdf.pdf?0
