Odum ki didüm eksile irsem visâlüñe (547/1)
Artar niçe ki çoh nazar itdüm cemâlüñe
Kim hûri vü melek didi kim ay u gün saña (547/2)
Hayretden irişemedi kimse kemâlüñe
Rûşen olur yüzüñi görene ki suñ eli (547/3)
Bir dahı nakş yazmadı yazmaz misâlüñe
Anber saçuñ kemendine oldı göñül esîr (547/4)
Gül yañaguñda bahalı ol zülf ü hâlüñe
Âb-ı Hayâtı ide-y-ide saña hâk-i pây (547/5)
Ger Hızr irse lal-i lebüñde zülâlüñe
Kıldum heves hayâlüñi düşümde görmege (547/6)
Çün uyhu yoh hayâldur irmek hayâlüñe
İki cihanı terk ide yoluñda Ahmedî (547/7)
Bir dahı dest-res bulur-ısa visâlüñe
Eger zühre eger mihr ü eger meh (548/1)
Degül yüzüñden illâ nîm-şemme
Dilerse serv öykine boyuña (548/2)
Aceb mi ki_olur uzun kişi ebleh
Yüzüñe beñzerem dimiş gül-i ter (548/3)
Kamu vech-ile bu söz nâ-müvecceh
Göñül biñ dürlü râhatda olursa (548/4)
Yüzüñ görmeyicek olmaz müreffeh
Senüñ ışkuñ yolını her ki varmaz (548/5)
Ola hacca dahı varursa bî-reh
Ayaguñ tozın itse sürme nergis (548/6)
Kala mı-y-dı aceb bu resme ekmeh
Yig ola Ahmedî her pâdişehden (548/7)
Eger kulum dir-iseñ aña iy şeh
Dr. Yaşar AKDOĞAN, Ahmedî DÎVÂN https://ekitap.kulturturizm.gov.tr/Eklenti/10591,
