55
(Mefâîlün Mefâîlün Mefâîün Mefâîlün)
1 Ocagın söndürür izârın eşk-i merdümân âhir
Olur tennûr-ı tûfân dîde-i gam-dîdegân âhir
2 Verince yâd-ı rûhsârı derûna tâbiş-i hasret
Gül-i hûrşîd olur bu gonce-i dâg-ı nihân âhir
3 Görür bu devr-i pür-cevrin humârın çerhe de kalmaz
Olur işkeste bir gün sâgar-ı bezm-i cihân âhir
4 Hazâna kalmaz açsa mihr-i tâli gülşen-i kâmı
Eder berkende bir bir güllerini bâgbân âhir
5 Yine dilde bulursun reh-nümâyı bahr-ı hayretde
Olur sükkân-ı keştî Haşmetâ sâhil-resân âhir
Haz.: Dr. Mehmet Arslan-İ. Hakkı Aksoyak, Haşmet Haşmet Külliyatı, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3199 KÜLTÜR ESERLERİ
