[243]
Mefâ`îlün Mefâ`îlün Mefâ`îlün Mefâ`îlün
1 O zevk-i hâleti kim neşve-i peymâneden gördük
Nigeh-düzdîde çeşm-i sâkî-i mestâneden gördük
2 Nevâ-sâz olmada üstâdumuzdur bülbül-i şeydâ
Tavâf-ı şem`-i ruhsâr itmegi pervâneden gördük
3 Nedür şîrînî-i cân bilmez idük künc-i fürkatde
Dem-i vuslatda bûs-ı gabgab-ı cânâneden gördük
4 O şûh-ı `âlem-ârânuñ ser-i zülf-i girih-zârın
Perîşân itmegi dest-i sabâ vü şâneden gördük
5 N`ola olsa nühüfte dilde genc-i dâğumuz Nâmî
O bir tarz-ı hasendür kûşe-i vîrâneden gördük
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
