[152]
Mefâ`îlün Mefâ`îlün Mefâ`îlün Mefâ`îlün
1 O şûhuñ la`l-i nâbı gonçe-i ra`nâyı söyletmez
Zebânı nutka gelse bülbül-i gûyâyı söyletmez
2 Figân itsem gam-ı hicrân ile bezm-i mahabbetde
Tutar agzını mutrib söyledürken nâyı söyletmez
3 Ne var dem-beste itdiyse bir iki eblehi tenhâ
Elinden gelse vâ`iz kürsîde dünyâyı söyletmez
4 Virür güftâr-ı nâdânîye ragbet dehr-i dûn-perver
`Acebdür bulsa sille urmadın dânâyı söyletmez
5 Niçe yıllar niyâz ile ser-i kûyında hâk olsam
Geçer ol mest-i nâzum bu dil-i şeydâyı söyletmez
6 Gelürdi sôfî bezm-i bâdeye pîr-i mugan ammâ
Huzûr-ı neşvede anuñ gibi hôd-râyı söyletmez
130
7 Leb-i şîrîn-dehânın vasf iderken Nâmî-i zâruñ
Sarîr-i hâmesi tûtî-i şekker-«âyı söyletmez
Yard. Doç. Dr. Ahmet YENİKALE AHMET NÂMÎ DÎVÂNI VE İNCELEMESİ, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3194 KÜLTÜR ESERLERİ
