O dem ki ol büt-i ayyâra dil-sitân didiler
Kıyâm-ı kâmetine sidre-i cinân didiler
Hikâyet-i ser-i zülfini ol perî-zâdun
Ber-âfitâb-ı ruheş zulmet-i cihân didiler
Havâs-ı la‘lini her nice sormuşam halka
Ezelde Hızr içen âb-ı hayât-ı cân didiler
Sıfât-ı şerh-i ruhı çün beyâna sıgmaz anun
Anun sıfâtını bî-hadd ü bî-girân didiler
5. Kemâl-i hüsnini bedr aya kıldılar teşbîh
Zamâne hûbların ol yâra cân-feşân didiler
Hezâr mihnet ü dâg u belâ ki der-cigerest
Zi-âteş-i gam-ı sevdâ-yı dil-berân didiler
Yegânedür çün iki âlem üzre ol dil-ber
Anun sıfâtını halka yegân yegân didiler
Hakîkî cân u cihân terkin itmegi senden
Gamında ol büt-i cân-perverün âsân didiler
 
CİHÂNŞÂH HAKÎKÎ’
 
Muhsin Macit, Karakoyunlu Cihanşah'ın Türkçe Şiirleri, Kültür ve Turizm Bakanlığı Kütüphaneler ve Yayımlar Genel Müdürlüğü, Ankara 2017, ISBN: 978-975-17- 3631-4 Ana Yayın Numarası: 3368