MefāǾilün FeǾilātün MefāǾilün FeǾilün
1 Numūne āteş-i sūzān ruħ-ı firenginden
Nişān virür o sehį-ķad Macar tüfenginden
2 Giçerse Ǿāşıķ-ı dįvāne nām u tenginden
Ne pāki var daħı Ǿālemüñ ŧaǾna senginden
3 Gürūh-ı śaf-şikenān içre telli ŧurna gibi
O telli āfeti herkes bilür çelenginden
4 Raķįbe būse bize dāġ-ı dil naśįb oldı
O şūħ-ı ġonçe-femüñ rūy-ı lāle-renginden
5 Eger bu gūne giçer derd ü ġamla leyl ü nehār
Şitāb-ı Ǿömr-i girān-māye ħoş dü renginden
6 Bulur mı gevher-i maķśūde dest-res hergiz
Bu baĥr-ı pür-ħaŧaruñ ħavf ider nehenginden
7 Dilā müsāǾade-i rūzgār olur mı bize
ǾAceb sefįne-i dil ķurtulur mı enginden
8 Olur libās-ı münaķķaş medār-ı Ǿucb u ġurūr
Bu bįşenüñ ĥazer it pįşe-i pelenginden
9 Egerçi dilber-i maĥcūb ħūbdur ammā
Hele bu ŧāǿifenüñ giçme şūħ u şenginden
10 Hüner didükleri Ǿaybı ferāġat eylemişüz
Nedür murādı sipihrüñ bizümle cenginden
11 Ħalāś ider mi serin Rüstem ol ser-firāzuñ
Kemend-i kākül-i müşgini pālehenginden
12 ǾAceb mi lükneti olsa suħen o ġonce-femüñ
Ne pįç ü tāba düşer ol dehān-tenginden
13 O çengį āfetüñ itse semāǾ eger sāzuñ
Ķılād veş aśılur zühre tār-ı çenginden
14 Hüner ħazįnesidür bender-i dil-i Ĥāmį
Ķumaş-ı muġninüñ ey müşterį ne renginden
Diyarbakırlı Hâmî Ahmed Hayatı
KAYNAK: Dr. Kadri Hüsnü YILMAZ, DİYARBAKIRLI HÂMÎ AHMED DİVANI, Ankara 2017
