391
- . - - / - . - - /- . - - /- . –
 
Nola düşse ruhlarun zülf-i müşgîn üstine
Yirini cennetde eyler baş viren dîn üstine
İtün izi üzre nakş-ı na’l-i şeb-dîzün senün
Gûyiyâ kim mâh-ı nevdür geldi pervîn üstine
Gözleriçün ölenün nergis dikün hâkinde kim
Şem’ yakmak dostlar ‘âdet durur sîn üstine
Zülfünün cem’iyyetini tağıdan hattun durur
Hindden leşker çekilmiş Çîn ü Mâçîn üstine
Reng alur şi’r-i Revânîden çemende gonceler
Gül yazar eş’ârını evrâk-ı rengîn üstine
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8