[mefâ’îlün mefâ’îlün mefâ’îlün mefâ’îlün]
 
1 Nigâruŋ yanagı güldür saçı reyhân-ı hoş-bûdur
Hem anuŋ gamzesi âfet hem anuŋ çeşmi câzûdur
 
2 Kıyâmet kaddi ‘ar’ardur salınur san sanavberdür
Sözi şîrîn lebi sükker iŋen hoş-güft ü hoş-gûdur
 
3 Alur biŋ nâz ile ol meh dem-â-dem ‘âşıkuŋ gönlin
Cefâ vü cevr ider cânâ vefâsı dâ’imâ budur
 
4 Nola her yâri gördükçe aŋa meyl eylese göŋlüm
Dili ‘âriflerüŋ cârî yeŋilmez bir akar sudur
 
5 Uyurken bûsesin almak olurdı şimdi mahbûbuŋ
Uyanup fürkati tîrin ura bu câna korhudur
 
6 Ne var yâ hû dise sûfî girüp mey-hâneye ‘âşık
Mey içüp mest-i ‘ışk olmış dilinde zikri hep sudur
 
7 Baŋa bir ruhları alı bu gün gösterdiler gördüm
Didüm göŋlini Rahmînüŋ be va’llahi alan budur
 
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,