mefâ’îlün mefâ’îlün mefâ’îlün mefâ’îlün
1 Nigâhuñ gerçi kim Bâbil-zemîn câdûlarındandur
Siyeh çeşmüñ velî deşt-i Hoten âhûlarındandur
2 Gören Mecnûn-ı lâ-ya’kıl olur açılsa ol kâkül
Ne kâkül bâg-ı hüsn-i Leylî’nüñ şeb-bûlarındandur
3 Olur nîm-hurdesi ma’cûn-ı cevher cân-ı bîmâra
Dür-i dendânları âb-ı hayât incularındandur
4 O şûh oldı egerçi hat ber-âver zâhiren ammâ
Zamânuñ hüsn ile mümtâz çâr-ebrûlarındandur
5 Kitâb-ı ‘aşk okurken halka-i ders-i mahabbetde
Dil-i şeydâmuzuñ Mecnûn-ı hem-zânûlarındandur
6 Senüñ ol nîm-sâgar bâdeñe yok minnetüm sâkî
Dilüm mey-hâne-i ‘aşkuñ hum-ı memlûlarındandur
7 Umulmazken benümçün dünki gün cânân gıyâbumdan
Dimiş Pertev bu ‘asruñ şâ’ir-i hoş-gûlarındandur
Dr. Ekrem Bektaş, MUVAKKİT-ZÂDE MUHAMMED PERTEV DÎVÂNI, Malatya-2007, https://ekitap.kulturturizm.gov.tr/Eklenti/10630,muvakkitzade-pertevpdf.pdf?0
