44.
- - . / - . - . / . - - . / - . –
1.Ney gibi ol ki bagrı delinmişdür âh ider
Surâhını duhan-ı derûnı siyâh ider
2.Aglañ o nâ-murâde ki şâm-ı firâkda
Şem‘-i cemâl-i yâre ırakdan nigâh ider
3.Geşt ümîdin itse nola ceyş-i gam tebâh
Ol kim fenâ yolında tenin hâk-i râh ider
4.Câm-ı cihân-nümâ-yı habâb-âver-i şarâb
Bakdıkca döndi hüsrev-i Cem-bârgâh ider
5.Olsak nola gedâ-yı der-i pîr-i mey-furûş
Bir himmeti ‘Atâyî bizi pâdişâh ider
Saadet KARAKÖSE, NEV’Î-ZÂDE ATÂYÎ DÎVÂNI, Malatya 1994
