- . - - /- . - - /- . –
 
Nev-bahârun ey sabâ bizden elin ayağın öp
Topuğına yüzüni gözüni sür başmağın öp
 
Gonce nesrînlerini dizmiş bir ince iplige
Boynına asmış temâşâ eyleyüp boğmağın öp
 
Güllerün başı bezin almak dilersen ey sabâ
Bâğ-ı hüsnin seyr ider gibi olup yaşmağın öp
 
Kılmağ istersen cihânı müşg ü ‘anberden tolu
Zülf-ı müşgînin kohulayup yüri saç bağın öp
 
Câm-ı la’li ger nasîb ola Revânî nûş idüp
Şekkerin çıkar dilin ağzuna al dudağın öp
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8