472
- . - - / - . - - /- . - - /- . –
 
Nev-bahâr irişdi yine geldi seyrân günleri
Vuslat eyyâmı yetişdi geçdi hicrân günleri
Pâdişâhum bakmaz olalı dil-i dîvâneme
Yüregüm oynar benüm geldükçe dîvân günleri
Halka halka kâkülinden seyr idersin ruhların
Ey gönül unutma sakın bu perîşân günleri
Gün gibi tûpını göge ağduran zülfün durur
Dostum meydân senündür geldi çevgân günleri
Bu Revânîye nedür her gün cefâ her gün ‘itâb
Kande gitmişdür ‘aceb bu lutf u ihsân günleri
 
 
Ziya Avşar, REVÂNÎ DÎVÂNI, KÜLTÜR VE TURİZM BAKANLIĞI YAYIMLARI ,ISBN 978-975-17-3352-8