fâ’ilâtün fâ’ilâtün fâ’ilâtün fâ’ilün]
1 Nev-’arûs-ı bâg ile olup yine mahrem bahâr
Eyledi dâmâd-veş gülşende çok ‘âlem bahâr
2 Gülşeni silse süpürse nola ferrâş-ı sabâ
Yâr-ı nâzükdür kapar gökde bulutdan nem bahâr
3 Cezb-i mey eyler bulutdan lâle bir yâkûti câm
‘Ayş u nûş eyler çemen bezminde olup Cem bahâr
4 Her çemen olmış durur bir sûzen-i mekkâr-ı kûy
Geşt-i bâg it kim komaz her dilde hâr-ı gam bahâr
5 Sâye salmış kâkülüŋ hâlüŋ gelüp ruhsâruŋa
Gûyiyâ gülzâra hem nev-rûz irişdi hem bahâr
6 Katre katre ergavânuŋ reglerinden akdı kan
Neşter-i sürh ile aldı hikmet ile dem bahâr
7 Gülşen-i tab’uŋda açılmış ma’ânî gülleri
Hüsn-i dil-ber gibi şi’rüŋ Rahmiyâ her dem bahâr
Yard. Doç. Dr. Mustafa Erdoğan, BURSALI RAHMÎ VE DÎVÂNI, T. C. KÜLTÜR VE TURİZM BAKANLIĞI KÜTÜPHANELER VE YAYIMLAR GENEL MÜDÜRLÜĞÜ 3363 KÜLTÜR ESERLERİ , 2011,
